කොම්පුටරේ කෑලි ටික

Sunday, September 27, 2009
මුලින්ම කියන්නම්කො පරිගණකයක් කියන්නේ මොකක්ද කියල.

සරලවම කියනවනම් පරිගණකයක් කියන්නේ විදුලියෙන් වැඩ කරන යන්ත්‍රයක්. එයට දෙන ලද උපදෙස් අනුව තමයි වැඩකරන්නේ. දත්ත අතුලත් කරාම දීල තියෙන උපදෙස් වලට අනුව ඒව සකසල තොරතුරු ලබාදෙන්න පුලුවන් දෙයක්.

පරිගණකයක ඇති කොටස් මෙහෙම වර්ග කරන්න පුලුවන්
1. ආදාන උපකරණ (input devices)
2. ප්‍රතිදාන උපකරණ (output devices)
3. සැකසුම් උපකරණ (processing devices)
4. දත්ත ගබඩා කිරීමේ උපකරණ (storage devices)


අද බලමු කොම්පුටරේ දැක්ක ගමන් පේන්න තියෙන කෑලි ටික. මේ පහල තියෙන පින්තූරෙ බලන්නකෝ.

පින්තූරෙ ගත්තෙ නම් මෙතනින් http://arssupercomputer.org/images/


Screen -(Display/Monitor කියලත් කියනවා) දැක්ක ගමන් පේන්න තියෙන්නේ මොනිටර‍යනේ. මේක පරිගණකයේ කොටසක් විතරයි. මේකෙන් කරන්නේ අපට කරන දේවල් පෙන්නන එක.
ඒ කියන්නේ ප්‍රතිදාන උපකරණයක් (Output Device)

System Unit - මේකෙ තමයි පරිගණකයක් වැඩකරන්න අවශ්‍ය කොටස් ටික තියෙන්නේ. පරිගණකයේ මොලය කියල හදුන්වන මධ්‍යම සැකසුම් ඒකකය (Central Processing Unit -CPU), පාලන ඒකකය, මූලික දත්ත ගබඩා උපකරණ තියෙන්නෙත් මේක ඇතුලෙ තමයි. සමහරු මේකට CPU කියල කියනවත් අහල ඇතිනේ. නමුත් CPU එක System Unit එක ඇතුලෙ තියෙන එක‍ කොටසක් විතරයි. ඒක නිසා මේක පද්ධති ඒකකය (System Unit) කියන එක තමයි වඩා නිවැරදි. (ඇතුලෙ කොටස් ටික පසුව කතා කරමු.)

KeyBoard - යතුරු පුවරුව ටයිප් රයිටර් එක වගේම යතුරු පිහිටල තියෙන මේකෙන් කරන්නේ පරිගණකයට ආදාන සපයන එක. ඒ කියන්නේ අපට පුලුවන් යතුරු පුවරුවෙන් පරිගණකයට දත්ත ඇතුලත් කරන්න. මේක ආදාන උපකරණයක් (Input Device)

Mouse - මූසිකය :D මේ මීයත් දත්ත ඇතුලත් කරන්න තමයි පාවිච්චි කරන්නේ. නිතරම වැඩ කරන කෙනාගේ අතට හිරවෙලා ඉන්නේ. මේක pointing device ගොඩට දාන්න පුලුවන්. ‍pointing device කියන්නේ ආදාන උපකරණ වලින් එක කොටසකට. Mouse Pointer එක එහාමෙහා කරන්න වගේම විධාන දෙන්නත් මේක භාවත කරනවා. ඒක නිසා මේකත් ආදාන උපකරණයක් (Input Device) වෙනවා.

Speakers - ශබ්දය නිකුත් කරන්න භාවිතා කරන්නේ මේක තමයි. ඔයාල සිංදු අහන කොට ඇහෙන්නෙ මේව තුලින්. ඉතිං මේක ප්‍රතිදාන උපකරණයක් වෙනවා.

Microphone - ශබ්දය පරිගණකයට ඇතුලත් කරන්න උපකාරී වෙනවා. එතකොට මේක වැටෙන්නෙත් ආදාන උපකරණ ගොඩට.

මේ මූලිකම කොටස් ටික. මීට අමතරව ආදාන ප්‍රතිදාන උපකරණ තව තියෙනවා. බලන්න ඔයාලට වර්ග කරගන්න පුලුවන්ද කියල.

Limewire පාවිච්චි කරනවාද? එහෙනම් මේක කියවන්න. .

Wednesday, September 23, 2009

ඉංගිරිසි සිංදුවක් හොයාගන්න ඕනෙ උනොත් මම අනිවාර්යයෙන්ම පාවිච්චි කරන ප්‍රෝග්‍රෑම් එක තමයි LimeWire. මේ කියන්න යන්නේ ඒක පාවිච්චි කරනකොට මට හැමදාමත් දකින්න ලැබෙන දෙයක් ගැන.

මේ රූපය දිහා බලන්න. (ක්ලික් කලාම ලොකු කරලා බලන්න පුලුවන්) මම search කරනවා westlife ගායක කණ්ඩායමේ Soledad කියන ගීතය. මම search කරන්න keyword විදියට දුන්නේ “soledad westlife” යනුවෙන් capital කිරීමක් හෝ නැතුව. මේ රූපයේ තියෙන්නෙ මුල් විනාඩියෙදි විතර ආපු ප්‍රතිඵල.

බලන්න ප්‍රතිඵල 6ක් තියෙනවා, mp3 හෝ wma වර්ග වලින්. හොඳින් බැලුවොත් පෙනේවි bitrate හා length පෙන්වා ඇත්තේ ඉන් එකක පමණක් බව. සිංදු ෆයිල් එකක bitrate, length අනිවාර්යයෙන් තියෙන්න ඕනෙ නේද? ඒ වගේම බලන්න එකක් ඇර අනික් ෆයිල් 4කම නම ඇත්තේ මම search keyword එක දීපු විදියටමයි. හරිම පුදුමයි නේද?

මතක තියාගන්න මේ විදියට bitrate, length නැතුව එන්නේ වෛයිරස් බව. මුල් කාලෙ මමත් දන්නෙ නැතුව දැක්ක ගමන් ඕව download කරා. පාඩං ඉගෙනගෙනම දැන් මේව දකිනකොටම දන්නවා :D මේ වෛරස නියම ක්‍රමයක් අනුගමනය කරනවා. ඒ තමයි අපේ search keyword වලින්ම පෙන්වීම. එතකොට අපි රැවටිලා download කරනවනේ. ඒ නිසා කවදාවත් මේකෙ search කරනකොට “Westlife – Soledad” වගේ formal විදියට දෙන්න එපා. ඔක්කොම simple වලින් ගහන්න. එතකොට අඳුනාගන්න පහසු වේවි අනවශ්‍ය දේවල්. bitrate, length නැති audio file නං වැරදිලාවත් බාන්න එපා.

(මවිසින් කලකට පෙර ලියන ලද පැරණි ලිපියකි)
--
ප්‍රවීන් "ඉන්දරේ" ඉන්ද්‍රනාම

Gmail Yahoo කස්ටියට අපූරු වැඩ කෑලි ටිකක් ( අනික් කට්ටියටත් නැතුවම නෙවෙයි )

Sunday, May 31, 2009
මෙම ලිපිය මාගේ සිංහල බ්ලොග් අඩවියේ පලවූ ලිපියකි. කොම්පුටරේ අඩවියෙන් ඉල්ලීමක් ලැබුනු නිසා එම ලිපිය ඒ ආකාරයෙන්ම මෙහි පල කරමි



වචනවලට වඩා රූප බලවත් කියල කියනවනේ. ඔන්න එහෙනම් වැඩ කෑලි ටික රූප වලින්.










මෙන්න ඇතුල් වෙන තැන. පේනවද ගූග්ල් සහ යාහූ ලාංචන දෙක? ඒ කියන්නේ දැනට අපේ තියන ගූග්ල් / යාහූ ගිනුම් වලින් මේ සේවා හැම එකකටම දායකත්වය ලබාගන්න පුලුවන්.





Zoho Mail කියන්නේ සාමාන්‍ය ඊ- මේල් සේවාවක්.බැලූ බැල්මට යාහූ වගේ. එත් එකට වඩා ගොඩක් පහසුකම් තියනවා. මම ආසම එක තමා Google Gears පාවිච්චි කරල Offline වැඩ කරන්න තියන හැකියාව.

ඒ වගේම වෙනත් ඊ-මේල් ලිපිනයකින් ඊ-මේල් යවන්න තියන හැකියාව. උදාහරනයක් විදියට මට පුලුවන් වල ඉදල මගේ ජි-මේල් ලිපිනයෙන් යැව්ව වගේ පේන්න ඊ මේල් යවන්න.තව එන ඊ-මේල් ඔක්කොම වෙනත් ලිපිනයකට පහසුවෙන් forward කරගන්න පුලුවන්.තවත් අපූරු දෙයක් තමා අපි Google හෝ yahoo පාවිච්චි කරවා නම් අපිට ඉබේම තවත් ඊ මේල් ලිපිනයක් ලැබීම.

කතාව මේකයි. අපි Google/ Yahoo ගිනුමකින් Zoho සේවයට ඇතුල් උනොත් අපි Zoho ඇතුලෙදි පාවිච්චි කරන්නේ අපේ Google/Yahoo ගිනුමේ නම. ඉතින් අපි abcdef@gmail.com ලිපිනය පාවිච්චි කරලා Zoho වලට ඇතුල් උනොත් අපිට ඉබේම ඊ-මේල් ලිපිනයක් ලැබෙනව abcdef@zoho.com කියලා.





Zoho Writer ජාලය හරහා අපිට Word processing කරන්න පහසුකම් ලබාදෙන සේවාවක්.Zoho ගැන දැනගන්න කලින් මම පාවිච්චි කලේ Google documents.එත් දැන් නම් තමා Zoho Writer .හේතුව තමා මේකේ තියන පහසුකම්.Office 2007 වල වගේ Ribbon එකක් ඇතුලත් කරල තියනවා. හොද වේගයක් තියන ජාල සබදතාවයක් තියනවා නම් Office/Open office වල වැඩ කරනවා වගේම තමා. බ්ලොග් ලියන අයට Zoho Writer පාවිච්චි කරල ලියලා කෙලින්ම ඒක බ්ලොග් එකට එවන්න පුලුවන් හැකියාවක් තියනවා. තියන පහසුකම් ඔක්කොම ගැන කියන්න ගියෝතින් ලියන්න ඉඩ මදිවෙයි. ගිහින්ම බලන්න. පොඩි අව්ලක් තියනවා හැබැයි.මට තේරුන විදියට මේක Google documents වඩා ගොඩක් වෙලා ගන්නව load වෙන්න




Zoho Sheet/ Zoho Show කියන්නේ Excel/ power point වලට සමාන සේවා දෙකක්





Zoho Docs වලින් අපිට අපේ හැම ඔන්ලයින් ලිපි ගොනුවක් ගැනම විස්තර බලාගන්න පුලුවන්. ඒ වගේම එව ඊ-මේල් කරන්න, අපේ පරිගනකයේ තියෙන ලිපිගොනු Zoho වලට upload කරන්න වගේ වැඩ පහසුවෙන් කරගන්න උදව්වක්. අපේ ලිපිගොනු පිලිබද සාරාංශයක් විදියටත් මේක හදුන්වන්න පුලුවන්

Zoho chat ඉතින් චැට් කාරයොන්ටම තමයි.දැනට යන Yahoo, Google, Jabber, MSN, AIM ,ICQ සේවා සදහා Zoho chat හරහා log වෙන්න පුලුවන්. ඉදිරියේදි තව සේවා අනිවාර්යෙන්ම මේකට එකතු වේවි.

ඒ වගේම ගිනුමක් නැති කෙනෙක් එක්ක වුනත් චැට් කරන්න පහසු විදියක් හදුන් වල දීලා තියනවා. අපිට චැට් කරන්න අවශය පුද්ගලයාට ඊ-මේල් එකක් යවන්න පුලුවන් චැට් එකකට එන්න කියලා. ඊ- මේලයේ තිබෙන සබැදියක් මගින් එම පුද්ගලයාට ඔබ සමග සංවාදයක් ඇරඹිය හැකියි.

චැට් කරනවාට අමතරව තමන්ගේ වෙබ් අඩවියට කෑ ගහන පෙට්ටියක් (shout box )එකතු කරගන්න සහ වෙබ් අඩවියට එන අයට ඔබ සමග සජීවි සංවාදයේ යෙදෙන්න පුලුවන් විදියේ gadget එකකුත් Zoho Chat වෙතින් ලබාගන්න පුලුවන්.කරන්න තියෙන්නේ අපිට ගැලපෙන විදියට ඒව වෙනස් කරගෙන වෙබ් අඩ්වියට එකතු කරගන්න විතරයි



Zoho NoteBook තවත් වැදගත් සේවාවක්. තේරෙන භාශාවෙන් කිව්වොත් නිකන් scrap book වගේ. හිතන්න අපිට වාර්තාවක් ලියන්න තියනවා කියලා ජාවා ගැන. අපි ඒ ගැන තොරතුරු පත්තර, පොත්, වෙබ් අඩවි වලින් වගේ දෙවල් වලින් අරගෙන එක තැනකට එකතු කර ගන්නවා නෙද? අන්න ඒ වගේ වැඩක් තමා ZohoNotebook වල වෙන්නේ.
මේ බලන්න රූප, ශබ්ද, වීඩියෝ ඕනෑ එකක් එකතු කරගන්න පුලුවන්


අපොයි මේ පොස්ට් එක දැන් ගොඩාක් දිග වෙලා. අදට ඔය ඇති.

තව සේවා තියනවා මම කැමති. විස්තර ලියන්න වෙලා නැති නිසා නම් විතරක් දාන්නම්. ගිහින් බලන්න.

Zoho Share යාලුවොත් එක්ක කැමති දේවල් බෙදා හදා ගන්න
Zoho Planner අමතක වෙන දේවල් ලියල තියාගන්න
Zopo Wiki විකියක් හදන්න
Zoho Polls ඡන්ද තියන්න
Site 24 X 7 වෙබ් අඩවියට යන එන අය ගැන හොයන්න



ඔන්න අන්තිමට හොදම ආරංචිය මූණු පොතෙ ඉදල zoho mail බලන්න පුලුවන්. ඊ- මේල් විතරක්
නෙවෙයි calender, tasks, documents වගේ සේවාවනුත් මූණු පොතේ ඉදලා ලබාගන්න පුලුවන්.ඒ Zoho Widgets නිසා . මූණු පොත ගැන මුලින්ම කිව්වෙ ගොඩක් අය ඒක පාවිච්චි කරන නිසා. මූණු පොතට අමතරව iGoogle, Orkut වලටත් Open Social සහය දක්වන ඕනැම තැනකදිත් Widgets හරහා Zoho භවිතා කරන්න පුලුවන්. ඒ ගැන දැන ගන්න මෙතන කොටන්න



වින්ඩෝස් වලට සිංහලෙන් පරිශීලක නම යොදමු.

Friday, May 15, 2009
පරිගණකයේ පරිශීලක නාමය වින්ඩෝස්හි සාමාන්‍යයෙන් යොදන්නේ ඉංග්‍රීසියෙනි.සිංහල බ්ලොග් කරුවන් වන අපි ඉතිං අපි සිංහලෙන්ම නම යොදමු.

අවශ්‍ය දේවල්,

  • සිංහල යුනිකේත පරිගණකයේ ස්ථාපනය කර තිබීම‍
නැතහොත්

  • සිංහල යුනිකේත Font සහිත පරිගණකයක් වීම.

මෙහෙමයි කරන්නේ.

  • Control Panel--->User Accounts
  • සිංහලෙන් නම යෙදීම‍ට අවශ්‍ය පරිශීලක නාමය තෝරන්න.
  • දැන් Change my Name තෝරන්න.
  • නව පරිශීල නාමය ලෙස සිංහලෙන් නම ඇතුලත් කරන්න. මෙහිදී යුනිකේත ස්ථාපනය කර ඇති පරිගණකයක් නම් සිංහලෙන්ම යතුරුලියනය සිදුකල හැක. නැතහොත් අන්තර්ජාල යතුරුපුවරුව හෝ එසැනින් පරිවර්තක වලින් යු‍නිකේත බවට පරිවර්තනය කරන පරිවරතකයක් භාවිතයෙන් කොපි කිරීම සිදුකරන්න.
*යුනිකේත ස්ථාපනය කර නොමැති පරිගණකයක් නම් අකුරු වෙනස් වී දිස්විය හැක.

මේ තියෙන්නේ අවසන දිස්වන ආකාරයයි.



--
ගයාන් තාරක


Ubuntu - අනාරක්ෂිත තැනක්!!!

මුල් කාලයේ Ubuntu සංස්කරණ වල දී Recovery Mode මගින් පරිගණකය ක්‍රියාරම්භ කළ විට Ubuntu මගින් පරිශීලකයාව රැගෙන යන්නේ root shell වෙතටයි. root පරිශීලකට මුරපදයක් යොදා තිබුණොත් එහිදී root ට අදාළ මුරපදය පරිශීලකගෙන් විමසනවා.

නමුත්, නූතන Ubuntu සංස්කරණ වලදීත් (මගේ මතකයේ හැටියට Gusty Gibbon සිට මේ දක්වා) මෙසේ Recovery Mode භාවිතයෙන් ක්‍රියාරම්භ කළ විට පරිශීලකට root shell වෙත යාමට හැකියි. නමුත් නූතන සංස්කරණ වල මෙම ක්‍රියාවේදී root හි මුරපදය විමසීමක් සිදු වන්නේ නැහැ.

මෙසේ කරන්නට ඇත්තේ සමහර විට පරිශීලකගේ පහසුව තකා වෙන්න‍ට පුළුවනි. එහෙත්, මට හැඟෙන විධියට මෙය Ubuntu වල ලොකු අනාරක්ෂිත තැනක්. ඒ root විධියට පරිගණකයට පිවිසෙන්නාට පරිගණකය තුළ ලොකු බලයක් ලැබෙන නිසා යි.

මෙම ආරක්ෂක සිදුර වසා දැමීමට මම අනුගමනය කළේ පහත දැක්වෙන ක්‍රමයයි.

1. BIOS වෙත ගොස්, පරිගණකය ක්‍රියාරම්භ වීමේදී ක්‍රියාරම්භ මාධ්‍යය (boot medium) තෝරා ගත හැකි පහසුකම අවලංගු කරන්න.

2. BIOS වෙත supervisor password එකක් යොදන්න. වෙනත් කෙනෙකු සංගත තැටියක් භාවිත කර අනවස‍රයෙන් ඔබේ පරිගණකය ක්‍රියාත්මක කරවීමට ඇති ඉඩ මින් වැළකෙයි.

3. root ලෙස පරිගණකයට පිවිසී root ට මුරපදයක් යොදන්න.

# passwd root

4. /boot/grub/menu.lst ගොනුව පහත දැක්වෙන පරිදි සංස්කරණය කරන්න.

# vim /boot/grub/menu.lst

දැන් එම ගොනුවේ පහත දක්වා ඇති යොමුව සොයාගෙන එම යොමුවට අදාළ සෑම පේළියකම මුල # ලකුණ යතුරුලියනය කරන්න.

#title Ubuntu, kernel 2.6.xx-xx-generic (recovery mode)
#root (hdx,x)
#kernel /boot/vmlinuz-2.6.xx-xx-generic root=/dev/sdxx ro single
#initrd /boot/initrd.img-2.6.xx-xx-generic
#boot

දැන් එක් වරක් Esc යතුර ඔබා :wq යතුරුලියනය කිරීම මගින් vim ගොනු සංස්කරණ යෙදුමෙන් ඉවත් වෙන්න.

දැන් Recovery Mode විකල්පය ක්‍රියාරම්භ මෙනුවෙන් ඉවත් වී ඇති. ඔබේ පරිගණකයට කිසිවෙක් අනවසරයෙන් පිවිසීමට ඇති එක් මඟක් මෙයින් ඇහිරී යයි.

මීට වඩා හොඳ ක්‍රමයක් දන්නවනම් ප්‍රතිචාරයක් තබා යන්නට
පාඨක ඔබට පුළුවනි. :)

---
~ ශාකුන්තල

වින්ඩොස් විස්ටා හා 7 සදහා Hibernate සක්‍රීය ගැන්වීම

Saturday, May 9, 2009
ගයාන් තාරක විසින් වින්ඩෝස් එකස් පී මෙහෙයුම් පද්ධතිය සදහා Hibernate සක්‍රිය කල හැකි ක්‍රමයක් හදුන්වා දීලා තිබුණා. නමුත් ඒ ක්‍රමය වින්ඩොස් විස්ටා හා අලුත්ම මෙහෙයුම් පද්ධතිය වන වින්ඩෝස් 7 එකට වලංගු නොවෙයි. ඒවා ක්‍රියාත්මක කරවන අයුරැද වෙනස් වෙයි. ඒ මෙහෙයුම් පද්ධති වල තිබෙන විශේෂාංශ හා අනුකුල නොවීම ඊට හේතුවයි.
වින්ඩොස් විස්ටා සදහා:
විස්ටාහි මේ ක්‍රමය අක්‍රිය වීමට හේතු වන්නේ Disk Cleanup හිදි Hibernation File Cleaner තුලින් ඒ දන්ත මකා ඇති නිසා හෝ Hybird Sleep සක්‍රිය කර තිබිම හෝ Hibernate කල මොහොතක පණ ගැන්වීමේදි සිදු වු දෝෂයක් නිසා අක්‍රියාත්මක (disabled) කර තිබිය හැකියි. (ඇතැම් පරිගණක වල මේ Hibernate වලට අනුකුල නොදක්වන්න පුලුවන් එයත් හේතුවක්.)

෴ක්‍රමය 01.෴
විස්ටා තුල මෙය විසදීම සදහා පහසු මගක් තිබෙනවා, මාදුකාශයක් වැන්නක් බාගත කිරිමෙන් කළ හැකියි. එය මෙතැනින් භාගත කරන්න: http://go.microsoft.com/?linkid=9645383


෴ක්‍රමය 02.෴

මෙවැන්නක් තමා විසින්ම කරන්න කැමති අයට ක්‍රමයක් තියෙනවා. මේකම වින්ඩෝස් 7 වලට කරන්න පුලුවන්.
VistaStartButton.jpg මේනුව හෙවත් ස්ටාර් මේනුවට ගිහින් All Programsහි Accessories තෝරා Command Prompt යන්න දකුණු මුසික බොත්තම ඔබා* Run as Administratior යන්න තෝරන්න. (ඇතැම් විට ඔබට මුර පදය දීමට හෝ විධානය දෙන්න වෙවි.
ECPvista.jpg
එවිට ඔබට දකින්නට ලැබෙන්නේ මෙයයි:
Elevated_Command_Prompt.jpg
මෙසේ Elevated Command Prompt එකේ (Run as Administratior යන්නෙන් දුවන Command Prompt එක) වෙනස නම් සාමන්‍ය විදිහට දුවන විට ඒ පරිශලිකයාගේ දන්ත පමණයි වෙනස් කරන්න පුලුවන්. එතකොට මා රවුම් කර ඇති ස්ථානයේ දැක්වෙන්නේ C:/Users/ (පරිශලිකයාගේ නාමය) ලෙසටයි. Elevated Command Promptහිදි දැක්වෙන්නේ C:\Windows\System 32 ලෙසටයි.

දැන් එහි
powercfg -h on යන විධානය ලබා දී Enter විධානය ලබා දෙන්න. ( powercfg -h off ලෙස මේ විදියටම කර අක්‍රිය කරන්න පුලුවන්.) දැන් Hibernate විශේෂාංශය ක්‍රියාත්මකයි!
(ඇතැම් පරිගණක වල ගැටලු ආ අවස්ථා තියෙනවා. ඔබටත් එසේ වුවේ නම් දන්වන්න. සතියක් තුල විසදුම් දෙන්නම්.)
වින්ඩෝස් 7 සදහා:
වින්ඩෝස් විස්ටා වලට දුන් දෙවැනි ක්‍රමය තුලිනුත් කරන්න පුලුවන්. නැත්නම් මේ අයුරටත් කල හැකියි:
(රෑපය මත ඔබා විශාලනය කරන්න)
Control Panel එකෙහි Hardware and Soundහි එන Power Options යටතේ තිබෙන Change power-saving settingsට යන්න. එහි ඇති change plan settings ලින්ක් එක තෝරන්න. එහි එන change advanced power settings මගින් එන වින්ඩෝවේ sleep දිග හැරැම තුලින් settings(minutes) වල දන්තය අවම අගයක්ට ගෙන never දක්වාම ගෙනියන්න. ඉන්පසු OK ඔබන්න. (ඔබට නිසි ලෙස ප්‍රවේශමයෙන් වෙනත් දන්ත වෙනස් කරන්නත් පුලුවන්. නමුත් එහිදි වෙනත් ගැටලුවලට මුහුණපාන්නත් පුලුවන්. ඒ නිසයි වින්ඩෝස් 7වල මේ ලෙස සැකසුම් සරල කරලා තියෙන්නේ (power options හා change plan settings වගේ).
setting.png

*දකුණු මුසික බොත්තම ඔබා = right click විධානයට මීට වඩා සිංහලෙන් කියන්න හොද විදිහක් තියෙනවාදෝ?

Power බටනයට Shut down විධානය

Friday, May 8, 2009



අපි පරිගණකයේ Power බටනය භාවිතා කරන්නේ පරිගණකය ආරම්භයට පමණයි. මේ කියන්න යන්නේ එම බටනයම Shutdown විධානය දීමට සූදානම් කරන ආකාරය ගැනයි.(හරියට ටීවි එක දාන්න නිවන්න වගේ.)




මුලින්ම Control Panelහි Power Options විවෘත කරගන්න
ImageHost.org

දැන එහි Advanced ටැබය වෙත ගොස් එහි Power Buttons යටතේ ඇති When I press power button on my computer හි Shutdown තෝරාගන්න.
ImageHost.org

දැන් "OK" බටනය ක්ලික් කරන්න.




ඉහත පියවර නිවැරදිව අනුගමනය කලේ නම් ඔබේ පරිගණකය දැන් Power බටනය මගින් ShutDown වීමට සූදානම්.


ඉතින් මින් පසු පරිගණකය වසා දමන විට Power බටනය සහයට ගත හැකියි.




Shutdown වෙනුවට Hibernate වුවද යොදාගත හැකියි.




Hibernate සක්‍රිය නැත්නම් මෙතනින් සක්‍රිය කරන විදිය මෙතනින් බලන්න.




----


ගයාන් තාරක

තවත් Simple Plan එකක් Firefox සමග

Thursday, May 7, 2009
පහුගිය දවසක ෆ්යිල් ගොඩක් කොපි කරන්න යනකොට අත පසු වීමකින් දැන ගන්න ලැබුන පොඩි දෙයක් ගැන ඔයාලටත් කිව්වොත් හොදයි කියල හිතුනා. Windows Explorer විවුර්ත කරගෙන ඉන්න ගමන් එකේ Address Bar එකෙ තියන චූටි පොතක් වගෙ Folder Icon එක උඩ ක්ලික් වෙලා එක ඩ්‍රැග් වුනා Firefox Browser ටැබ් එකකට


එක පාරටම මගෙ ෆයර් ෆොක්ස් ටැබ් එක මෙන්න මෙ විදියට පේන්න ගත්තා



Firefox තුල File Index එකක්!

පරිගනකයේ ඕනෑම ගොනුවක් බලාගන්න, (සගවා ඇති ගොනු හා බැලීමට අවසර නැති ගොනු හැර )ඒ වගේම .ඡායාරූප,සින්දු වගේ දෙවල් ලෙසියෙන්ම විවුර්ත කරගන්නත් පුලුවන්. කරන්න තියෙන්නේ ගොනුව තියන තැනට ගිහින් ගොනුව මත ක්ලික් කරන එක විතරයි. ගිනි හිවලා එතකොට අහාවි මොනවද කරන්න ඔනේ කියලා.හැබැයි ඒක කරන්න පුලුවන් අදාල ප්ලග් ඉන් තිබුනොත් විතරයි.ප්ලගින ගැන දන්නෙ නැත්තම් මේක
බලන්න


වින්ඩෝස් එක්ස්ප්ලෝරා වගේ හාඩ් ඩිස්ක් එක මාරු කරන්න තියෙන්නෙ එයට අදාල අකුර Address Bar එකේ යතුරු ලියනය කරල Enter කරන එක විතරයි.(උදා C:)

තවත් දෙයක්, අමතක කරන්න එපා ගිනි හිවලා(Firefox) අපිට පොත් සලකුණු (Bookmarks) දාන්න පහසුකම් සලස්වල තියන බව. දැන් ඉතින් පරිගනකයේ නිතරම යන එන තැන් වලට පොත් සලකුණු (Bookmarks)දාන්න පුලුවන්.එවා වැඩ කරන්නෙත් සාමාන්‍ය අන්තර්ජාල සලකුණු වගේමයි!

මේ ගැන තව විස්තර දැන ගන්න මෙතන කොටන්න


කොම්පුටරේ පලවෙන මගෙ පලවෙනි ලිපිය තමා මේක.ඒක නිසා අඩු පාඩු ගොඩාක් ඇති. ඒ දේවල් ගැන සමාව ඉල්ලන ගමන්ම බින්කු සහෝදරයට ස්තුතියි කියන්නත් කැමතියි කොම්පුටරේට මාවත් එකතු කර ගත්තට.මම ගැන කියනවනම් දැනට ඉන්නේ නුවර.පේරාදෙණිය සරසවියේ කලා පීඨයේ පලවෙනි වසර ශිෂ්‍යාවක්.


--deeps--

Ubuntu මත Adobe Air ස්ථාපනය කරගන්නා ආකාරය

Saturday, May 2, 2009
Air (Adobe Integrated Runtime) ගැන අහලා ඇතිනේ. එය Adobe සමාගම විසින් නිපදවපු application runtime එකක්. ඒ කියන්නේ ඇතැම් application තියෙනවා, ඒවා run වීමට නම් Adobe Air අවශ්‍යයි. මෙහි විශේෂ වාසිය තමා Java මෙන්ම platform independent වීම. එකම air application එක වින්ඩෝස් මත හෝ ලිනක්ස් මත හෝ මැක් මත භාවිත කරන්න පුලුවන් Air runtime එක තියෙනවානම්. (Air ගැන වැඩිදුර දැනගන්න මෙතනින්)

මේ කියන්න යන්නේ උබුන්ටු මත air ස්ථාපනය කරන ආකාරයයි. මොකද Adobe සමාගමෙන් .deb පැකේජයක් ලබා දෙන්නේ නෑ.

1. මේ ෆයිල් එක ඩවුන්ලෝඩ් කරගන්න
http://airdownload.adobe.com/air/lin/download/1.5/AdobeAIRInstaller.bin

2. Terminal එකක් ඕපන් කරගෙන ඩවුන්ලෝඩ් වූ ෆයිල් එක ඇති ස්ථානයට යන්න

3. පිලිවෙලින් මෙම command 2 දෙන්න
chmod +x AdobeAIRInstaller.bin
sudo ./AdobeAIRInstaller.bin

දැන් වින්ඩෝස් වල පුරුදු ආකාරයේ setup installer එකක් ලැබේවි. එමගින් පහසුවෙන්ම air ස්ථාපනය කරගත හැකියි.

දැන් ඔබට යම් air application එකක් (.air file) ලැබුණ විට එය ඩබල් ක්ලික් කිරීමෙන් ස්ථාපනය කරගත හැකියි.


----
ප්‍රවීන් ඉන්ද්‍රනාම

Google Image Search - වර්ණ පෙරහන

Wednesday, April 22, 2009
මෙතෙක් කල් keyword වලින් පමණක් රූප සෙවීමට හැකිවූ Google Image Search හි දැන් තවත් පහසුකමක් ලබාදී තිබේ. එනම් අපේ සෙවුමේ එන රූප වර්ණ සංයෝජනය අනුව පෙරහන් (filter) කල හැකි වීමයි. එනම් එක්තරා වර්ණයක් පමණක් බෙහෙවින් අඩංගු රූප පමණක් තෝරාගැනීමට හැකිවීමයි.

සර්ච් කිරීමෙන් පසුව ලැබෙන රූප වර්ණ අනුව වෙන් කිරීමට කල යුත්තේ මෙම රූපයේ දැක්වෙන ස්ථානයෙන් අදාල වර්ණය තේරීමයි. එවිට එම වර්ණය වැඩිවශයෙන් ඇති රූප පෙන්වනු ඇත.



මෙම තේරීම වඩාත් ප්‍රයෝජනවත් වනු ඇත්තේ යම්කිසි design එකක් හෝ වෙබ් අඩවියකට යෙදීමට රූප හොයන්නන්ටයි. එමගින් design එකට ගැලපෙන, අඩවියේ තීම් එකට ගැලපෙන වර්ණ වලින් රූප සොයාගත හැකියි.

මේ book clipart සෙවූ විට ලැබුණු සියලු වර්ණයන්ගෙන් යුතු රූපයි.



මේ එය සඳහා රතු පැහැයෙන් යුක්ත රූප සඳහා පමණක් පෙරහන යෙදූ විට ලැබෙන ආකාරයයි.





Bookmark and Share

Unlocker භාවිතා කරමු

Tuesday, April 21, 2009

Unlocker මෘදුකාංගය මේවගේ දෝෂ වලදී උදව්වට ගන්න පුලුවන්
· Cannot delete file: Access is denied
· There has been a sharing violation.
· The source or destination file may be in use.
· The file is in use by another program or user.
· Make sure the disk is not full or write-protected and that the file is not currently in use.

මීට අමතරව පෙන් ඩ්‍රයිව් එක Safty remove කිරීමට නොදෙන අවස්ථාවල pen drive එක භාවිතා කරන මෘදුකාංගය කුමක්දැයි බලා ගැනිමටත් එය ක්‍ෂණිකව නවතා දමා safty remove කරගැනීම සඳහාත් මෙය උදව්වට ගත හැකියි.




අවශ්‍ය අය මෙතනින් ගන්න

----
ගයාන් තාරක

Ubuntu 9.04 තැපෑලෙන්

Monday, April 20, 2009
2009 අප්‍රේල් මස අවසානයේ නිකුත් වීමට නියමිත Ubuntu 9.04 සංස්කරණය ගැන ඔබ සියළු දෙනා දැනුවත් යැයි සිතමි. Jaunty Jackalope නොහොත් 'ජේත්තුකාර හාවා' ලෙස නම් කර ඇති මෙම සංස්කරණය නිකුත් වීමට පෙරාතුව පිටපතක් ඉල්ලුම් කර තැබීමට (pre-order) ඔබටත් හැකියි. මේ සඳහා https://shipit.ubuntu.com වෙත පිවිසෙන්න.

මෙහිදී Launchpadහි ලියාපදිංචි වීම අත්‍යවශ්‍ය වන අතර, සංයුක්ත තැටිය ඉල්ලුම් කිරීමේ දී ඒ පිළිබඳ ඔබව දැනුවත් කෙරෙනු ඇත.
ඔබේ තැපැල් කාර්යාලයේ සංකේත අංක‌ය සොයා ගැනීමට slpost.gov.lk වෙත පිවිසෙන්න. (මෙම සංකේත අංකය නිවැරදිව ලබා නො දීමෙන් ඔබ වෙත අදාළ සංයුක්ත තැටිය ලැබීම ප්‍රමාද වීම ට ඉඩ ඇත)

Puppy හොඳ නැද්ද? මෙන්න Slax Linux

Tuesday, April 14, 2009
පහුගිය පෝස්ට් එකේ පහන් හොඳ ලිනක්ස් ඩිස්ට්‍රො එකක් හඳුන්වලා දුන්නා, Puppy Linux. ඒකෙ විශේෂත්වය තමයි පෝටබල් වීම. (USB පෙන් එකකටත් දාන්න පුලුවං). මමත් පහන් කියපු නිසා ඕක ඩවුන්ලෝඩ් කරගත්තත් මට නං ඒක වැඩිය දිරෙව්වෙ නෑ. ඉතිං මේ බව මම GTalk ස්ටේටස් එකේ දාලා තිබ්බාම අපේ අකිල දක්ෂිණ සහෝදරයා මට හඳුන්වල දුන්නා තවත් පෝටබල් ලිනක්ස් ඩිස්ට්‍රො එකක්. ඒ තමයි SLAX.

මේක Slackware මූලාශ්‍ර කරගෙන හදපු එකක්. Gnome පාරිසරිකය නම් නෑ. KDE විතරයි.




කොහොමද? ලස්සනයි නේද බලු පැටවුන්ට වඩා?

මේකෙ විශේෂ විශේෂාංග ගොඩක් තියෙනවා.
  • මෙය ඉන්ස්ටෝල් කිරීමක් අවශ්‍ය නැහැ.
  • ලයිව් සීඩී එක වෙනමත් පෙන් සඳහා අනුවාදය වෙනමත් ලබාගන්න පුලුවන්.
  • මෙය component based විදියට නිපදවා ඇති නිසා අමතර මෘදුකාංග ඉන්ස්ටෝල් කිරීමකින් තොරව නිකන්ම copy කිරීමෙන් ක්‍රියා කරනවා

හොඳම විශේෂාංගය දැන්.
  • තමන්ට අවශ්‍ය ප්‍රෝග්‍රෑම් පමණක් අඩවියේදී තෝරා ඒවා පමණක් අඩංගු ISO හෝ TAR එකක් ලබාගන්නට පුලුවන් !

මූලික මෘදුකාංග සමග මුලු මෙහෙයුම් පද්ධතියම 190MB ප්‍රමාණයක් පමණයි ! (අමතර මොඩියුල එක් කිරීමෙන් ප්‍රමාණය විශාල වේ)

වැදගත්: මෙය හාඩ් ඩිස්ක් එකක ඉන්ස්ටෝල් කිරීමට සැකසූ ඩිස්ට්‍රො එකක් නෙමෙයි. පෝටබල් ආකාරයට වැඩ කිරීමට සැකසූ එකක්. ලයිව් සීඩී එකක හෝ පෙන් එකක දාගත හැකියි. පසුව අමතර ප්‍රෝග්‍රෑම් දාන්න ඕනෙනම් පෙන් එකක දාන එක තමයි සුදුසු. ලිනක්ස් වැඩ කෑලි දන්න කෙනෙකුට නම් ඕනෙ නං ජිල්මාට් එකක් දාලා මේක හාඩ් ඩිස්ක් එකකට උනත් දාගන්න උත්සාහ කරලා බලන්න.

මෙන්න ගිහින් බලන්න SLAX අඩවියට
එතනින් ඔබට කැමති ආකාරයකට මේක customize කර ලබා ගන්න පුලුවන්.

Puppy Linux ගැන අහලා තියෙනවද?

Monday, April 13, 2009


puppy linux කියන්නේ එච්චරම ප්‍රචලිත linux distro එකක් නෙවෙයි. බොහොම සීමිත පිරිසක් විතරයි දන්නේ. ගොඩක් දෙනාට linux කිව්වම මතක්‍ වෙන්නේ Ubuntu, Suse, ‍Fedora වගේ සීමිත linux ප්‍රභේද කිහිපයක් විතරනේ. ඒත් තවත් linux distro's 200ක් විතර තියෙනවා. ඒ හැම එකකටම අනන්‍යවු ලක්ෂණ තියෙනවා. ඒවගේම පොදු ලක්ෂණත් තියෙනවා. puppy linux කියන්නෙත් ඒවගේ linux ප්‍රභේදයක්. මේකේ විශේෂතා කිහිපයක්ම තියෙන නිසයි බ්ලොග් පෝස්ට් එකක් දාන්න හිතුවේ. puppy භාවිතා කරන්න පුලුවන් ක්‍රම කිහිපයක් තියෙනවා. Live CD/DVD, සහ external hard disk, pen drives ඕන නම් තමං භාවිතා කරන දෘඩ තැටියටම ස්තාපනය කරන්න පුළුවන්.
1. බොහෝ නිකුතුවන් 100MBට අඩු ‍ලෙස පැවතීම. අලුත්ම නිකුතුව 4.2 හරියටම 100MB කි.
2. වේගවත් ලෙස පරිගණකය පණගැන්විය හැකිවීම. Live CD එකක් උනත් windows වලට වඩා ගොඩක් ඉක්මනට boot වෙනවා. ගොඩක් වෙලාවට තත්පර 30ක් ඇතුලත boot කරන්න පුළුවන්.
3. Audio/Video CODECs බොහොමයක් පෙරනිමියෙන්ම අන්තර්ගත වීම.
4. pen drive එකක වූවද ස්තාපනය කරගත හැකිවීම.
5. User friendly බව හා සරල බව.
6. ධාවනය වන්නේ සම්පූර්ණයෙන්ම RAM එකෙන් නිසා ඉතා වේගවත් වීම. පැරණි පරිගණක වල වුවද ඉතා හොඳින් ධාවනයවේ.
7. Live CD එකෙන් පණ ගැන්වූ පසු CD එක ඉවතට ගත හැකි බැවින් CD ධාවකය වෙනත් කාර්යක් සඳහා නිදහස් කරගත හැකිවීම.
8. එක්වරක් භාවිතා කර පරිගණකය ක්‍රියා විරහිත කිරීමේදී සකස් කරගන්නා ලද settings එකතු කරගන්නා packages ආදිය අපගේ දෘඩතැටි‍යේ NTFS ඉඩක උවද save කර පසුව භාවිතා කල හැකිවීම. මෙය සියලු ආකාරයේ puppy linux සඳහා පොදුය(Live CD,DVD,USB). අවශ්‍ය නම් CD තැටියේම හෝ DVD තැටියේම උවද මෙම save කරගත හැකිය.
මෙකේ flash player එකවත් අපිට අමුතුවෙන් දාන්න දෙයක් නෑ. gparted ත් පෙරනිමියෙන්ම තියෙන නිසා හදිස්සියට ubuntu live එකක් පාවිච්චි කරලා partition කරනවා වෙනුවට puppyට කියල කරන්න පුළුවන්. වැඩේ ඉක්මනටත් කරන්න පුළුවන්. මේ සටහන ලියන කොටයි දැක්කේ අලුත් version එකක් ඇවිත් කියලා 4.2 කියලා. මේ දැන් බාගත කරන්න දැම්මා. කලින් තිබ්බ version වලටත් වැ‍ඩිය UI එක ලස්සනයි වගේ.
pen drive සඳහා install කරගැනීමට live CD එක මුලින් ලබාගෙන. එහි ඇති puppy universal installer මගින් install කරගන්න පුළුවන්. pen එක මුලින් හිස් කරන්න ඕන. puppy දැම්මට පස්සේ නම් එයාගේ file delete කරන්නේ නැතිව ඕන වැඩක් pen එකෙන් ගත්තට puppyයා තරහවෙන්නේ නෑ. ආ තව එකක් puppy දාන්න කියලා ext2-ext3-ext4 සංකීර්ණ ප්ලෑන් ඕන නෑ. කෙලින්ම fat එකෙන් දුවනවා. කෙටියෙන්ම කිව්වොත් puppy දැම්මට windows වල කටයුතු සඳහා pen එක භාවිතා කරන්න බාධාවක් නෑ.
මෙතැනින් බාගත කරගන්න.
CD එකක් write කරන්න ලෝභයි වගේනම් virtual machine එකකට දාලා USB version එකක් හදාගන්න පුළුවන්.



ලිව්වේ පහන්

දැන් ඊමේල් පණිවුඩය තුල ඡායාරූප ඇතුලත් කරන්නත් පුලුවන්

Friday, April 10, 2009
මෙතෙක් කල් ගූග්ල් සමාගම විසින් කෙලින්ම සහයෝගය නොදැක්වූ පහසුකමක් දැන් Gmail හි ලබාදී තිබෙනවා. ඒ තමයි ඊමේල් පණිවුඩය තුල ඡායාරූප අන්තර්ගත කිරීම. (මෙතෙක් කල් මෙය කල හැකි වූයේ ඡායාරූපය වෙනම host කර ලිපිය වෙත drag කර දැමීමෙන් පමණයි)

මෙය Gmail හි Labs feature එකක්. එනම් තවමත් වැඩිදියුණු කිරීම් කරමින් පවතින එකක්. එහෙත් මෙය ඉතා හොඳින් ක්‍රියා කරනවා.

මෙය සක්‍රිය කර ගැනීමට ඔබේ Gmail වින්ඩෝවේ Labs ටැබ් එකට යන්න (මෙය වින්ඩෝවේ ඉහල දකුණු පස කොළ පැහැති බීකරයක ලකුණකින් දැක්වෙයි). එහි "Inserting Images" නැමති යෙදුම තෝරා එය Enable කරන්න.

දැන් නැවත inbox වෙත ගොස් අලුත් ලිපියක් ලියන්නට යාමේදී එහි අයිකන තීරයේ නව අයිකනයක් දැකගත හැකිවෙයි.

මෙය ක්ලික් කිරීම මගින් ඔබේ පරිගණකයේ ඇති ඡායාරූපයක් හෝ වෙනත් URL එකක් මගින් ඊමේල් ලිපියට ඡායාරූපයක් එකතු කර ගත හැකිවනු ඇති. එය attachment එකක ආකාරයෙන් නොව ලිපියේ පේලි අතර (inline) රුවාගත හැකිවේවි.


වින්ඩොස් යෙදුම් ලිනක්ස් මත ධාවනය

Monday, April 6, 2009

වින්ඩෝස් වලින් ලිනක්ස් වලට මාරු වීම අපහසු යයි සිතන්නේ එක්වරම අපට හුරු පුරුදු යෙදුම් සියල්ල අත්හැර නුහුරු නුපුරුදු යෙදුම් පරිහරණයට සිදුවීම නිසාය.
මේ සඳහා වයින් නම් යෙදුමක් අවශ්‍ය වේ.
මා මෙය අත්හදා බැලුවේ ෆෙඩෝරා 10 වන වෙලුමත් සමගයි.

මුලින්ම අග්‍රය වෙත ගොස් su ලෙස සඳහන් කර root සඳහා මුරපදය ලබාදෙන්න

දැන් yum install wine ලෙස යතුරු ලියනය කර Enter යතුර ඔබන්න.
මෙය ස්ථාපනය වූවාට පසු යෙදුම් වලට wine නම් අලුත් ගොනුවක් එක් වී ඇත.


දැන් වින්ඩෝස් යෙදුම් ලිනක්ස් මත ධාවනයට සියලු කටයුතු සූදානම් කර අවසන්.
ඊලගට ඔබට යෙදුම්-->wine-->wine file වෙත ගොස් ඔබට ස්ථාපනය කිරීමට අවශය යෙදුමේ installation file එක සොයා එය මත double click කිරීම හෝ අදාල installation file එක අඩංගු වන ස්ථානයට ගොස් එය ධාවනය කිරීම හෝ කරන්ත

එවිට වින්ඩෝස් වලදී මෙන්ම ස්ථාපනය වනු දැකිය හැක.

Desktop shortcut වලින් හෝ යෙදුම්-->wine-->Programs--> අදාල යෙදුම ධාවනය කිරීම මගින ඔබට ලිනක්ස් මත වින්ඩෝස් වලදී මෙන්ම යෙදුම භාවිත කල හැක.

Wine පිලිබදව වැඩිවිස්තර
වෙනත් වෙලුම් සඳහා ස්ථාපනය සඳහා


යෙදුම් == Application
වෙලුම == Version

----
ගයාන් තාරක


ටොරන්ට් බෑමේදී ප්‍රවේශම් වෙනු

Sunday, April 5, 2009
මේ කියන්න යන කාරණාව වැදගත් වෙන්නේ බෑන්ඩ්විත් එකට, එහෙමත් නැත්තම් ඩේටා යූසේජ් එකට ගෙවන අන්තර්ජාල පාරිභෝගිකයන්ටයි. (කෙටියෙන් කිව්වොත් ලංකාවෙදි ADSL හා LankaBel WiMAX හැර අන් සියල්ලන්ට)

දැන් ටොරන්ට් කියන්නේ නැතුවම බැරි දෙයක් වෙලානේ තියෙන්නේ. එක අතකින් එහෙම නොවී කොහොමද? ටොරන්ට් වලින් මේ ලෝකෙ ඇති නැති ඕනෙ දෙයක් හොයාගන්න පුලුවන් නේ. ටොරන්ට් බාන ගමන් මම අර කලින් කියපු පාරිභෝගිකයො මෙන්න මේ ගැනත් හිතුවොත් හොඳයි.


බලන්න මේ රූපය දිහා. මේ මාස කිහිපයකට කලින් මම Mandriva dvd එක ටොරන්ට් එකකින් ඩවුන්ලෝඩ් කරපු වෙලාවග මේ රූපය ගන්නකොට ඒක ඩවුන්ලෝඩ් වෙලා අවසානයටම ඇවිත්. හොඳින් බැලුවොත් පෙනේවි ඒ 4.29GB ප්‍රමාණයේ dvd එක ඩවුන්ලෝඩ් කිරීමේ දී මම නොදැනුවත්වම 616.50MB ප්‍රමාණයක් අප්ලෝඩ් කර ඇති බව !

ඩවුන්ලෝඩ් කරනවානම් අප්ලෝඩ් කල යුතුමයි! ඒක ටොරන්ට් වල විශ්ව නීතියක්. ඒ නිසා අපිට මේ අප්ලෝඩ් එක නවත්වන්න බෑ (අප්ලෝඩ් වෙන වේගය සීමා කරන්න විතරයි පුලුවන්. ඒත් 5kbps වලට වඩා අඩු කල විට ඩවුන්ලෝඩ් වීමද අඩාල වෙනවා)

ප්‍රශ්නෙ තියෙන්නේ අපේ පාරිභෝගිකයන් මේ අප්ලෝඩ් වෙන ප්‍රමාණය අමතක කරන එකයි. වැඩිදෙනෙක් ගණන් බලන්නෙ ඩවුන්ලෝඩ් කරපු හරිය විතරයි. ඒත් සේවා සපයන සමාගම නම් තිතට ඩවුන්ලෝඩ් එකත් සමගම අප්ලෝඩ් ප්‍රමාණයත් ගණන් බලලා තමයි බිල හදන්නේ.

ඒ නිසා ඔබ මම කලින් කියපු වර්ගයේ පාරිභෝගිකයෙක් නම් ප්‍රවේශමෙන් ටොරන්ට් ඩවුන්ලෝඩ් කරන්න. ඒ වගේම මතක තියාගන්න data usage එක කියන්නේ ඩවුන්ලෝඩ් පමණක් නොවන බවත්, අප්ලෝඩ් එකත් ඊට අයත් බවත්.

ලිනක්ස් හා CDMA/GPRS/UTMS/HSPA වලින් අන්තර්ජාල භාවිතය

Saturday, April 4, 2009
මෙය මා විසින් පලමුවෙන් 2005-09-08 දින 20:55 +5.530GMT ට ලංකා ලිනක්ස් සමූහය වෙනුවෙන් ලියන ලදි...
ළගදී කිහිපදෙනෙකු යලි විමසූ බැවින් මෙලෙස පළ කෙරේ...

මේ ක්‍රමය ඕනෑම බාහිර මොඩොමයකට ගැලපෙනවා...මේ USB->Serial converter එක බොහෝ විට CDMA සහ පරණ GPRS මොඩොම සදහා ඕනි..අනෙක් පියවර ඕනෙම මොඩොමයකට භාවිතා කරන්න පුලුවනි...

TIUSB3410 යනු ලාංකීය බොහෝ ආයතන වලින් CDMA දුරකතන සදහා ලබාදෙන USB to Serial Converter එකකී(ඩේටා කේබලය තුල පවතී)

1) TIUSB3410 (USB to Serial Converter) සදහා මොඩියුලය බාගන්න (ලිනක්ස් 2.4 ක'නලය සදහා,මම දන්න තරමින් දැන් 2.6ත් එක්කම එනවා)
http://gate.brimson.com/downloads/ti_usb-0.3-1.tgz
මෙහි readme අනුව කම්පයිල් කර පිහිටුවන්න
2)කේබලය USB කෙවෙණියට සම්බන්ධ කරන්න.
3)Wvdial පහත පරිදි සකසන්න (/etc/wvdial.conf පහත පරිදි වෙනස් කිරීමෙන්),

Modem = /dev/usb/ti/0
Baud = 230400
Phone = #777
Init1 = ATZ
Stupid Mode = 1
Dial Command = ATDT
Username = myusername
Password = mypassword
PPPD Options = crtcts multilink usepeerdns lock defaultroute

4)Wvdial ට'මින්ලයේ ක්‍රියාත්මක කරන්න...

මෙහිදී /dev/usb/ti/0 යනු අදාල මොඩමය සමග සම්බන්ධ විය හැකි දොරටුවයි....
මෙය සොයා ගැනිමට
dmesg ලෙස ට'මිනලයේ ගසන්න...

එවිට එන් විස්තරයයේ මෙලෙස ඇති කොටස බලන්න,,,
"usb 1-6: new high speed USB device using ehci_hcd and address 3
usb 1-6: configuration #3 chosen from 1 choice
usb 1-6: New USB device found, idVendor=0fce, idProduct=d075
usb 1-6: New USB device strings: Mfr=1, Product=2, SerialNumber=3
usb 1-6: Product: Sony Ericsson K850
usb 1-6: Manufacturer: Sony Ericsson
usb 1-6: SerialNumber: ***************************
cdc_acm 1-6:3.1:
ttyACM0: USB ACM device
cdc_acm 1-6:3.3:
ttyACM1: USB ACM device
usbcore: registered new interface driver cdc_acm
cdc_acm: v0.26:USB Abstract Control Model driver for USB modems and ISDN adapters
cdc_wdm 1-6:3.7: cdc-wdm0: USB WDM device
usbcore: registered new interface driver cdc_wdm
usb0: register 'cdc_ether' at usb-0000:00:1a.7-6, CDC Ethernet Device, 02:80:37:03:03:00
usbcore: registered new interface driver cdc_ether
"

මෙහිදී නම් /dev/ttyACM0 හා /dev/ttyACM1 ලෙස මොඩම 2ක් දැක්වේ..

GPRS/EDGE/UTMS/HSPA සදහාද මෙම ක්‍රමටයම 2 පියවරේ සිට යොදාගත හැකි අතර මෙලෙස වෙනස් විය යුතුයි(උදාහරණය‍ක්...)


Modem = /dev/ttyACM0
Baud = 921000
Phone = *99***1#

***1 අදාල profile එක අනුව ලබා දෙන්න...




Kopete and Gtalk

ඩනිෂ්ක අයියා කිව් Empathy එකත් බොහෝ දෙනෙක් පාවිච්චි කරන pidgin එකටත් වඩා මට ඇල්ලුවේ kopete එකයි. ඊට හේතුව ලෙස කියන්න පුළුවන් text chat සදහා එකේ තියෙන පහසුවයි. අනිත් දෙකට වඩා මම ප්‍රිය කරන ලක්ෂයක් තමා notification එක. කෙනෙක් online ආ විට දැනුවත් කරන අතරම කෙනෙක් කතා කල විට දන්වනවා වගේම answer or ignore ලෙස තෝර ගන්නත් පුළුවන්. කෙනෙක් online ආ විටදි වුවත් ලෙස 'chat' විකල්පයක් දෙනවා. එක වාසියක් වගේ තමා. නමුත් ඉස්සර මං වගේම ගොඩාක් දෙනෙක් මෙක පාවිච්චි කරන්නේ නැත්තේ මේකේ Gtalk වලට පාවිච්චි කල හැකි බවක් නොදකින නිසයි.
ImageHost.org
Pidgin , Kopete හා Empathy වල අනිත් මගේ මිතුරන් පෙන්වන අයුරු.
ImageHost.org

ඔන්න මගේ යාලුවෙක් කතා කරනවා.
ImageHost.org


Gtalk වල වලට සැකසුම් හදන හැටි.

මුලින් Applications> internet> instant messenger> kopete ගිහින් තෝරන්න.ඉන්පසුව එහි settings මෙනුවෙන් configure තෝරා මේconfigure පැනලය මතු කර ගන්න.
ImageHost.org
මේ පැනලයෙන් add account තෝරන්න.

එයිනුත් Jabber තෝරන්න.
ImageHost.org
ඉන්පසු Jabber ID එකේදි ඔබේ ලිපිනය ලබා දෙන්න. ලබා දීමේදී @gmail.com දානවා නම් තවත් හොඳයි.
මුර පදය සුරකින්නට දී එයද ලබා දෙන්න (ඇතැම් ලිනක්ස් වලදී මුරපදය සුරකිමට wallet එකේද මුර පදය ඉල්ලයි.)
එකට සියලු සැකසුම් සමඟ සම්බන්ධතා දෙන්නට
Exclude from connect all එක mark කරන්න.
ImageHost.org

ඉන්පසු Connetion ටැබය තෝරා මේ අගයන් ලබා දෙන්න:
Use protocol encryption (SSL), Allow plain-text password authentication, සහ Override default server information යන්නන්ට marks ලබා දී ලෙස ලබා දී port එකට 5223 අගය දෙන්න. ගුගලය විසින් 5222 ලෙස දුන්නද මේ අගය ලබා දිම සුදුසු වෙයි. firewall මගින් බධා පැමිණියොත් 433 ලෙසත් ලබා දෙන්න පුළුවන්.
ImageHost.org

Next ඔබා අවසන් කරන්න.

ඔයාලාගේ අදහස් ගැටලු කියන්න.

මේ ලිනක්ස් වල KDE පසුබිමය එක්ක සැකසු එකක්. එය KDE website මගින් ගන්නත් පුළුවන්. බොහෝ KDE ලිනක්ස් එක්ක ආවත් මෙය හොඳින් භාවිතා කරන්නට QCA library අවශ්‍ය වෙයි. එම ප්ලගීනය මෙතැනින් ලබා ගන්න පුළුවන්. kopete එකට අවශ්‍ය වෙන්නේ
qca-tls-1.0.tar.bz2 එකයි. සුසේ සමඟම QCA එන අතරම Kubuntu වල 7.04දි ආවත් 8.04 වලදි වෙනම දැමිය යුතු වෙයි. Fedora (core 4) Yum වල දී qca-tls ලෙස තියෙනවා. Kubuntu වලදි qca-tls ලෙසත් තියෙනවා.

මේ ගැන මම දැන ගත්තේද සුසේ වල ෆෝම් වලදියි.